„Овој сајт е експериментално игралиште и како таков е предмет на живо и пијано (ен)кодирање, па ве молам да не нé малтретирате ако сајтот не работи како што треба“ пишува на страната на сајтот.

Планот за VideoBay е корисниците да објавуваат содржина без страв дека таа ќе биде тргната доколку ги прекршува авторските права. Таков проблем сé почесто се случува на YouTube кој поради пристисок од музичката индустрија и тужби тешки милиони долари, започна да
блокира видеа од својот сајт.

Претходно iPREDator.sе, друг сервис на TPB, влезе во бета фаза, кој нуди анонимност на интернет преку приватни мрежи - VPN.

Пиратската борба за промената на авторските права и начинот на споделување на пиратеријата не се одвива само на интернет, туку и во европските парламенти. На неодамнешните европски избори шведската Пиратска партија успеа да влезе во Европскиот парламент. Неодамна и германски пратеник се приклучи на германската Пиратска партија со што таа партија доби место во националниот парламент. Чешката Пиратска партија собра 2.500 електронски потписи и стана официјална политичка партија. И Франција доби своја Пиратска партија.

Со зголемената популарноста на Пиратските партии, тие со своите ставови за полиберално споделување на интернет и промена на начинот на кој функционираат авторските права, може да влијаат на размислувањето за пиратеријата во блиска иднина, односно во 2014-5 година за кога е најавен VideoBay.